တခြားသူတွေရှေ့မှာ သင်ဘယ်တော့မှ မလုပ်သင့်တဲ့ အချက် ၇ ချက်

 

တခြားသူတွေရှေ့မှာ သင်ဘယ်တော့မှ မလုပ်သင့်တဲ့ အချက် ၇ ချက်

​၁။ သင့်ဘဝအကြောင်း ဘယ်တော့မှ ညည်းညူမပြပါနဲ့ - လူတွေဟာ သင့်ကို အရင်ဆုံး သနားပြကြလိမ့်မယ်၊ ပြီးရင်တော့ ကွယ်ရာမှာ အတင်းပြောကြလိမ့်မယ်။
​၂။ ချစ်ခင်ရသူတွေနဲ့ လူရှေ့သူရှေ့မှာ ဘယ်တော့မှ အခြေအတင် စကားမများပါနဲ့ - သူစိမ်းတွေဟာ သူတို့ကြားလိုက်ရတဲ့အရာကို ဘယ်တော့မှ မေ့မှာမဟုတ်ဘူး။
​၃။ သင့်သားသမီးတွေအကြောင်း ဘယ်တော့မှ ကြွားလုံးမထုတ်ပါနဲ့ - မနာလိုစိတ်ဆိုတာ တိတ်ဆိတ်ပေမဲ့ အန္တရာယ်ကြီးပါတယ်။
​၄။ တစ်စုံတစ်ယောက်က သင့်ထက် သာလွန်နေတယ်ဆိုတာကို ဘယ်တော့မှ ထုတ်မပြပါနဲ့ - လူတွေဟာ အဲဒီအချက်ကို သင့်ကို ပြန်တိုက်ခိုက်ဖို့ အသုံးချပါလိမ့်မယ်။
​၅။ တခြားသူတွေရှေ့မှာ ပိုက်ဆံကို ဘယ်တော့မှ မရေတွက်ပါနဲ့၊ ပိုက်ဆံအကြောင်းလည်း မကြွားပါနဲ့ - လူတွေရဲ့ မျက်လုံးတွေဟာ အရာအားလုံးကို မှတ်မိနေတတ်လို့ပါ။
​၆။ တခြားသူတွေအကြောင်း မကောင်းဘယ်တော့မှ မပြောပါနဲ့ - အဲဒီမကောင်းတဲ့ စကားတွေဟာ သင့်ဆီကိုပဲ အမြဲတမ်း ပြန်ရောက်လာတတ်လို့ပါ။
​၇။ သူစိမ်းတွေကို သင့်အနီးအနားကို အလွန်အကျွံ အဝင်အထွက် မပြုခိုင်းပါနဲ့ - လာသမျှ ဧည့်သည်တိုင်းက သင့်အပေါ် စေတနာကောင်းရှိကြတာ မဟုတ်ပါဘူး။
From: Internet
#SN

♣ စာနာတယ် သနားတယ်နဲ့ …

 

♣ စာနာတယ် သနားတယ်နဲ့ …
♣ နှိမ်ချသွားတတ်တဲ့ သူတွေရှိမယ် ။

♣ ကူညီတယ် ကူညီတယ်နဲ့ …
♣ အခွင့်အရေး ယူသွားတတ်တဲ့ သူတွေရှိမယ် ။

♣ ချီးကျူးတယ် ချီးကျူးတယ်နဲ့ …
♣ အပုပ်ချသွားတတ်တဲ့ သူတွေရှိမယ် ။

♣ လောကကြီးထဲမှာ …
♣ နှုတ်ဖျားက ပျားသကာလိုချို နေပေမဲ့
♣ အတွင်းသဘောက …
♣ ပုပ်ပွနေတတ်ကြတာကို သင်သိထားပါ ။

♣ ဘဝသင်ခန်းစာဆိုတာ …
♣ ကိုယ်တိုင်ကြုံတွေ့ ဖြတ်သန်းဖူးမှ
♣ သိတာဆိုပေမဲ့ ကြိုတင်သိရှိထားတော့
♣ စိတ်ဆင်းရဲတဲ့ ဒုက္ခခံစားရမှုတွေကို
♣ ရှောင်ရှားနိုင်ပါလိမ့်မယ် ။

♣ ဒါကြောင့် နှုတ်ခမ်းဖျာက
♣ စကားတွေမှာ သာယာပြီး
♣ လူတိုင်းကိုလည်း လွယ်လွယ်မချစ်နဲ့ ။
♣ လူတိုင်းကိုလည်း အထင်မကြီးနဲ့ ။
♣ လူတိုင်းကိုလည်း အယုံမလွယ်နဲ့ ။
♣ လူတိုင်းကိုလည်း အားမကိုးမိစေနဲ့ ။

♣ လူဆိုတာ အားနည်းချက်ကိုမှ
♣ ချနင်းသွားတတ်ကြတယ် ။

♣ မြေပျော့ရင် ခြေရာကျန်သလို
♣ စိတ်ပျော့ရင် တစ်သက်လုံး
♣ ဒဏ်ရာထင်ကျန် နေတတ်တယ် ။

♣ မိမိအားနည်း အခက်အခဲများကို
♣ ဘယ်တော့မှ ထုတ်ဖော်မပြပါနဲ့ ။

♣ အမြဲတမ်း
♣ စိတ်ဓာတ်မာကျော ရဲရင့်သူဖြစ်နေပါစေ ။

♣ မိမိဘဝကို မိမိကိုယ်တိုင်
♣ လျှောက်လှမ်းကြရာမှာ
♣ မိမိကိုယ်ကိုအားကိုးပါ။ ယုံကြည်ပါ ။

♣ ရဲရင့်ပါ ဇွဲလုံလ ဝီရိယထားပါ ။
♣ စိတ်ဓါတ်မာကျောပါ ။
♣ ဘယ်အရာကိုမှ တွေးမကြောက်ပါနဲ့ ။

♣ ဖြစ်ပျက်ပြီးခဲ့သမျှ အရာတွေကို
♣ ပြန်လှည့်မကြည့်ပါနဲ့ ။

♣ မိမိရပ်နေတဲ့ ခြေအစုံ နေရာတိုင်းမှာ
♣ မိမိသွေးသား စိတ်ဝိဉာဏ်တို့
♣ တည်ကြည် ခိုင်မြဲနေပါစေ ။

♣ မိမိဘဝကို ကိုယ့်အားကိုယ်ကိုး
♣ ကိုယ့်စိတ်နဲ့ ကိုယ်ရှင်သန်ပါ ။]

Crd:

မစ္ဆရိယ တရား (၅) ပါး

 

မစ္ဆရိယ တရား (၅) ပါး

မစ္ဆရိယ - ကိုယ်သာခံစားလိုစိတ်ရှိပြီး သူတစ်ပါးအား မျှဝေလိုစိတ် မရှိခြင်းသည် ဖြစ်သည်။

“မာဣဒံ အစ္ဆရိယံ အညေသံ ဟောတု* -ယခုလို အံ့ဩဖွယ်ရာ အရာဟာ ဘယ်သူ့ထံမှ မရောက်ပါစေနဲ့ ၊ ငါတစ်ယောက်တည်းမှာပဲ ရှိပါစေ ဆိုတဲ့အတွေး။

အောင်မြင်ကျော်ကြားမှုများ ၊ ကြီးပွားတိုးတက်မှုများ ၊ ချမ်းသာ သုခ များအား သူတစ်ပါးထံ မရောက်ပါစေနှင့်။ မိမိ တစ်ယော်တည်းသာ ရယူလိုစိတ် ရှိခြင်း ဖြစ်သည်။

- မိမိရဲ့ စည်းစိမ် ချမ်းသာကို သိမ်းပိုက်ပြီး သူတစ်ပါးအား မခံစားစေချင်တဲ့ ယုတ်ညံ့တဲ့ စိတ်ထား ဖြစ်သည်။

"မစ္ဆရိယ တရား (၅) ပါး မှာ -

(၁) အာဝါသ မစ္ဆရိယ

- နေစရာ အဆောက်အဦးနှင့် ပက်သက်၍ ငါသာနေရမယ်။ သူတစ်ပါး မနေရဘူးဆိုသော စိတ်ထား။

(၂) ကုလ မစ္ဆရိယ

- ဘုန်းကြီးတွေဆိုရင် မိမိကို ကိုးကွယ်တဲ့ ဒကာ ၊ ဒကာမ တွေ သူတစ်ပါးအား မကိုးကွယ် စေချင်လိုတဲ့ စိတ်ထား။

လူအချင်းချင်း ဆိုရင် မိမိ သူငယ်ချင်းအား အပေါင်းအသင်း မလုပ်စေချင်တဲ့ စိတ်ထား။

(၃) လာဘ မစ္ဆရိယ

- ငွေကြေး ၊ အောင်မြင်မှု စသည်တို့၌ မိမိသာရချင် ၊ သူတစ်ပါးအား မရစေချင်လိုသော စိတ်ထား။

(၄) ဝဏ္ဏ မစ္ဆရိယ

- မိမိသာ လှချင် ၊ ချီးမွမ်းခံချင်တယ်။ သူတစ်ပါးအား မလှစေချင် ၊ ချီးမွမ်းမခံရစေချင်ဘူး ဆိုသော စိတ်ထား။

(၅) ဓမ္မ မစ္ဆရိယ

- တရားဓမ္မ နဲ့ ပက်သက်ပြီး မိမိသာ သိချင်တယ်။ သူတစ်ပါးအား မသိစေချင်ဘူးဆိုသော စိတ်ထား။

Ref : လူတိုင်းကျင့်ရန် သတိပဋ္ဌာန် တရားတော် - ပါမောက္ခချုပ် ဆရာတော် ဒေါက်တာ နန္ဒမာလာဘိဝံသ

#SN

၁၁/၁/၂၀၂၆ ၂:၃၁:၂၉ PM